പൊതുമരാമത്ത്, ജല അഥോറിറ്റി, കെഎസ്ഇബി,ബിഎസ്എൻഎൽ,അഗ്നിരക്ഷാസേന,പോലീസ്,നാഷണൽ ഹൈവേ,മൈനിംഗ് ആന്‍ഡ് ജിയോളജി,എംവിഐപി വകുപ്പുകൾ സംയുക്തമായാണ് കുഴി നികത്താനുള്ള പ്രവർത്തനങ്ങൾ നടത്തിയത്.മാത്യു കുഴൽനാടൻ എംഎൽഎ ഉദ്യോഗസ്ഥരുമായി ബന്ധപ്പെട്ട് പ്രവർത്തനങ്ങൾ ഏകോപിപ്പിച്ചു.ജെസിബിയും മറ്റു സംവിധാനങ്ങളും ഉപയോഗിച്ച് ഇന്നലെ വൈകുന്നേരം അഞ്ചോടെ പ്രവൃത്തി പൂർത്തിയാക്കി.ശക്തമായ മഴ തുടരുന്നതിനാൽ താത്കാലികമായാണ് കുഴി നികത്തിയിരിക്കുന്നത്.മഴ മാറിയശേഷം വിശദമായ പരിശോധന നടത്തി റോഡ് പൂർണതോതിൽ നവീകരിക്കുമെന്ന് ഉദ്യോഗസ്ഥർ പറഞ്ഞു.എറണാകുളം,പെരുന്പാവൂർ ഭാഗത്തുനിന്ന് എത്തുന്ന വാഹനങ്ങൾ ഇഇസി റോഡുവഴി ചാലിക്കടവ് പാലത്തിലൂടെ തൊടുപുഴ റോഡിലെത്തി നഗരത്തിൽ പ്രവേശിക്കേണ്ട തരത്തിലാണ് ഗതാഗതം തിരിച്ചുവിട്ടിരുന്നത്.തൊടുപുഴ,കോട്ടയം ഭാഗത്തുനിന്നു വരുന്ന വാഹനങ്ങൾ കച്ചേരിത്താഴം പഴയപാലത്തിലൂടെ ഒറ്റവരിയായി കടന്നുപോകുന്നതിനുള്ള സംവിധാനവും ഏർപ്പെടുത്തി.
