15 വര്‍ഷം കൈവശമിരുന്ന പദവി കെഇ ഒഴിഞ്ഞതോടെ പ്രസിഡന്റ് കസേര കാനം ഏറ്റെടുത്തു.ചൊവ്വാഴ്ച ചേര്‍ന്ന സംസ്ഥാന കൗണ്‍സില്‍ യോഗമാണ് ഈ തീരുമാനമെടുത്തത്.സിപിഐയുടെ മറ്റു സ്ഥാപനങ്ങളുടെ ചുമതലക്കാരെ നിശ്ചയിച്ചിട്ടില്ല.പികെ വാസുദേവന്‍ നായരുടെ നിര്യാണത്തെ തുടര്‍ന്നാണ് കെപിഎസി പ്രസിഡന്റ് പദവിയിലേക്ക് ഇസ്മായില്‍ വരുന്നത്.കെപിഎസിയുടെ കാര്യങ്ങളില്‍ കൃത്യമായി ഇടപെടലുകള്‍ നടത്തിയ കെഇ വന്‍ കട ബാധ്യതയിലായിരുന്ന സംഘത്തിന് രണ്ട് കോടിയോളം രൂപ മിച്ചം വെച്ചാണ് പടിയിറങ്ങുന്നത്.സമിതിക്ക് മ്യൂസിയം നിര്‍മിക്കാന്‍ സര്‍ക്കാര്‍ അടുത്തിടെ ഒരു കോടി രൂപ അനുവദിച്ചിട്ടുണ്ട്.കെ പ്രകാശ് ബാബു,ടിവി ബാലന്‍,എന്‍ സുകുമാരപിള്ള,വള്ളിക്കാവ് മോഹന്‍ദാസ് എന്നിവരാണ് ഭരണസമിതിയിലെ മറ്റ് സിപിഐ നോമിനികള്‍.
