മഹാരാജാസ് കോളജിലെ പൂര്‍വ വിദ്യാര്‍ഥിനിയായ കാസര്‍കോട് സ്വദേശി വിദ്യ കെ.2018 മുതല്‍ 2021 വരെ മഹാരാജാസ് കോളേജില്‍ താത്കാലിക അധ്യാപികയായിരുന്നു എന്ന വ്യാജ രേഖയാണ് ഉണ്ടാക്കിയത്.പ്രിന്‍സിപ്പലിന്റെ ഒപ്പും സീലും ഉള്‍പ്പെടുത്തിയുണ്ടാക്കിയ സര്‍ട്ടിഫിക്കറ്റിന്റെ പകര്‍പ്പ് ഉപയോഗിച്ച് അട്ടപ്പാടി ഗവ.കോളജില്‍ ഗസ്റ്റ് ലക്ചറര്‍ നിയമത്തിന് ശ്രമിച്ചു.സംശയം തോന്നിയ അധ്യാപകര്‍ മഹാരാജാസ് കോളജില്‍ വിവരം അറിയച്ചതോടെയാണ് സംഭവം പുറത്തായത്.മഹാരാജാസ് കോളജ് പ്രിന്‍സിപ്പലിന്റെ പരാതിയില്‍ എറണാകുളം സെന്‍ട്രല്‍ പൊലീസ് രജിസ്റ്റര്‍ ചെയ്ത കേസ് അട്ടപ്പാടി പൊലീസിന് കൈമാറിയിട്ടുണ്ട്.ഇതിന് പിന്നാലെയാണ് വിദ്യ മുന്‍പ് ജോലി ചെയ്ത കരിന്തളം ഗവണ്‍മെന്റ് കോളേജിലും അന്വേഷണം നടന്നത്.ഇവിടെയും വ്യാജരേഖ ഉപയോഗിച്ചെന്ന് വ്യക്തമായിരിക്കുകയാണ്.
